Diberdayakan oleh Blogger.

Pantun Kasmaran mandailing

|| || || Leave a komentar
Pantun Kasmaran mandailing

L : Adong monci diparik.
Dirondam pe leng naso tarkojar.
Rupomu abang manarik.
Modom pe iba,ibaen na motar.

P : Soban di andarasi.
Tinggal takar di pardanonan.
Dongan madung marbagasi.
Tinggal au abang jago podoman.


L : Silalap di angkola.
Bulung gadung di mandailing.
Ulang anggi mar ibo ni roha.
Papuas maso mabujing.


P : Poken siabu bahat unte i.
Narara ma sipili-pilion.
Olo bang uboto dei.
7 taon nai do so marbagason.


L : Tirik tujae anggi tirik tu julu.
Timbako baya disidempuan.
Sirik tujae anggi sirik tujulu.
Anggo jdoh i tetap doi sian tuhan.


P : Timbako baya disidimpuan.
Tarbege halak namar ende-ende.
Memang jodoh sian tuhan.
Tai ahama salana manjalaki napade.


L: Soban sian hauma.
Marlagut manyogot tupotang niari.
Inda au baen naso ra.
Leng so dapot panuhor mu anggi.


P: Ari rayo ma malomang.
Hayu dibakar mnjadi arang.
Tuhor nai inda godang.
Hum 10 motor kijang.


L :  Tarbege halak mar ende-ende.
Lage bide baen panjomuran.
Molo giot mnjalaki na uppade.
Ulang lupa mardoa tu tuhan.


P : Lage bide baen panjomuran.
Adong ma kapas marhabang.
Molo mardoa tu tuhan.
Inda jungada katinggaln bang.

L : Paligi-ligi na margiri-giri.
Martata-tata mambaen iri.
Diroha marsapa anggi.
Idia doho sanari ?



Marorja manjalang penganten.
Adong di si es krim rasana duren.
Bahat memang bahasa na paten.
Tai tetap mandailing nahum keren!

Unggas abang pau-pau.
Di goreng pe naso tartolon.
Bope ho songoni tu au.
Tetap doho si lungunkon.

Tanggabosi tu mompang.
Boluson mada malintang.
Marsak au marnyiang.
mamikirkonko abang sayang.
/[ 0 komentar Untuk Artikel Pantun Kasmaran mandailing]\

Poskan Komentar